حالیہ کشیدہ صورتحال اور فلسطینیوں کیخلاف تشدد کا ذمہ دار صرف اسرائیل ہے: قطر


غزہ میں اسرائیل کی جوابی کارروائی کے بعد تباہی کا منظر،فوٹو: عرب میڈیا
غزہ میں اسرائیل کی جوابی کارروائی کے بعد تباہی کا منظر،فوٹو: عرب میڈیا

قطر  نے اسرائیل فلسطین کشیدہ صورت حال کی مذمت کرتے ہوئے تمام تر ذمہ داری اسرائیل  پر عائد کی ہے۔


kkk

ایک بیان میں قطری وزارت خارجہ کا کہنا تھا کہ حالیہ کشیدہ صورت حال اور تشددکا ذمہ دار  صرف اسرائیل ہے، حالیہ کشیدگی میں فریقین سے تحمل کا مطالبہ کرتے ہیں۔

kkk

قطری وزارت خارجہ نے مطالبہ کیا ہےکہ عالمی برادری اسرائیل کو ان  واقعات کا بہانہ بنا کر فلسطینیوں پر جنگ مسلط کرنے سے روکے۔

kkk

دو ریاستی حل ہی خطے میں سلامتی اور امن کا ضامن ہے: سعودی عرب

اس  حوالے سے سعودی وزارت خارجہ نے اپنے بیان میں کہا ہےکہ  فلسطین کی غیر معمولی صورت حال کا جائزہ  لے رہے ہیں، فلسطین اسرائیل کشیدگی میں متعدد محاذوں پر تشدد کے واقعات  ہوئے ہیں، فریقین سے تشدد فوری  روکنےکا مطالبہ کرتے ہیں۔

kkk

سعودی وزارت خارجہ کا کہنا ہےکہ فریقین شہریوں کے تحفظ کا خیال رکھیں اور

  تحمل سےکام لیں، سعودی عرب نے پہلے ہی فلسطینیوں کے خلاف اشتعال انگیز کارروائیوں کے تباہ کن نتائج سے خبردار کردیا تھا۔

سعودی وزارت خارجہ نے مطالبہ کیا ہےکہ عالمی برادری اپنی ذمہ داریاں نبھانے اور امن کے لیے دو ریاستی حل پرکام کرے، دو ریاستی حل ہی خطے میں سلامتی، امن اور شہریوں کی حفاظت کا ضامن ہے۔

 حماس کےحملے فلسطینیوں کے پراعتماد ہونےکا مظہر ہیں: ایران

kkk

اس معاملے پر ایک بیان میں ایرانی وزارت خارجہ نےکہا ہےکہ حماس کے اسرائیل پر حملے فلسطینیوں کے پر اعتماد ہونےکا مظہر ہیں، حماس کے  آپریشن میں سرپرائز اور دیگر مشترکہ طریقے استعمال کیےگئے۔

ترجمان  ایرانی وزارت خارجہ کا کہنا ہےکہ حماس کے  آپریشن کا طریقہ کار  قابضین کے خلاف فلسطینی عوام کے اعتماد کو ظاہرکرتا ہے۔

 kkk

بین الاقوامی برادری عالمی قوانین کے تحت کشیدگی رکوائے: عمان

عمان نے مطالبہ کیا ہےکہ  اسرائیل اور فلسطین زیادہ سے زیادہ  تحمل سےکام لیں، بین الاقوامی برادری اسرائیل  اور فلسطین میں کشیدگی رکوانےکی کوشش کرے۔

kkk

عمان نےکہا ہےکہ بین الاقوامی برادری عالمی قوانین کے تحت کشیدگی رکوائے۔

خیال رہے کہ ہفتے کی صبح غزہ سے اسرائیل پر 5000 راکٹ فائر کیے گئے جس کے بعد فلسطین اور اسرائیل میں جنگ چھڑ گئی، فلسطینی مزاحمتی تحریک حماس کے اسرائیل پر زمین، سمندر اور فضا سے حملے جاری ہیں جس میں صیہونی فوجیوں سمیت 40 اسرائیلی ہلاک، سیکڑوں زخمی اور درجنوں یرغمال بنالیے گئے۔

kkk

امریکی میڈیا کے مطابق حماس کے ملٹری ونگ نے اسرائیل کے خلاف آپریشن الاقصی طوفان کا اعلان کرتے ہوئے آج صبح 5 ہزار راکٹ فائر کیے۔

kkk

بین الاقوامی میڈیا رپورٹس کے مطابق فلسطین اور اسرائیل کے درمیان نئی جنگ چھڑ گئی، غزہ سے اسرائیل پر ہزاروں راکٹ حملے ہوئے، غزہ سے راکٹ حملوں کے بعد تل ابیب سمیت پورے اسرائیل میں جنگ کے سائرن گونج اٹھے۔

kkk

جواب میں اسرائیل نے بھی غزہ پر فضائی حملےکیے ہیں جن میں200 سے زائد فلسطینی شہید اور سیکڑوں زخمی ہوچکے ہیں۔

Comments

Popular posts from this blog

افریقا میں منکی پاکس کے حوالے سے ہیلتھ ایمرجنسی کا اعلان

2018 کے عام انتخابات میں سب سے زیادہ ووٹ لینے والے 10 امیدوار

اسٹاک ایکسچینج میں کاروبار کا مثبت دن، 100 انڈیکس 74 ہزار 531 پوائنٹس پر بند