اوپن اے آئی کا برطرف کیے جانے والے چیف ایگزیکٹو کو دوبارہ بحال کرنے پر غور

 ads

سام آلٹمین / رائٹرز فوٹو

17 نومبر کو چیٹ جی پی ٹی تیار کرنے والی کمپنی اوپن اے آئی نے سام آلٹمین کو چیف ایگزیکٹو آفیسر (سی ای او) کے عہدے سے فارغ کر دیا تھا۔

مگر اب ایک رپورٹ میں انکشاف کیا گیا ہے کہ کمپنی ایک بار پھر انہیں دوبارہ سی ای او کے عہدے پر بحال کرنے پر غور کر رہی ہے۔

اوپن اے آئی کے بورڈ آف ڈائریکٹرز نے سام آلٹمین کو ان کے عہدے سے نکالنے کا اعلان کیا تھا۔

اس وقت کمپنی کی جانب سے جاری بیان میں کہا گیا تھا کہ سام آلٹمین کی جانب سے کیے جانے والے فیصلوں پر بورڈ کو اعتماد میں نہ لینے پر انہیں عہدے سے ہٹایا جا رہا ہے۔

 ads

مگر اس نئی رپورٹ میں سام آلٹمین کے قریبی ذرائع کے حوالے سے بتایا گیا کہ بورڈ کی جانب سے ایک بار سابق سی ای او کو ان کے عہدے پر بحال کرنے پر غور کیا جا رہا ہے۔

سام آلٹمین کو فارغ کیے جانے کے بعد کمپنی کے متعدد عہدیداران بشمول صدر گریگ بروک مین نے بھی احتجاجاً اپنے عہدوں سے استعفے دے دیے تھے۔

اس کمپنی میں کام کرنے والے مزید افراد کی جانب سے ملازمت چھوڑے جانے کا امکان ہے۔

سام آلٹمین کو نکالے جانے کے بعد میرا مورتی نامی خاتون کو کمپنی کا عارضی سی ای او بنا دیا گیا ہے۔

 ads

حیران کن طور پر سام آلٹمین کو برطرفی سے محض 5 سے 10 منٹ قبل اس فیصلے سے آگاہ کیا گیا تھا۔

کچھ رپورٹس کے مطابق سام آلٹمین کی جانب سے اب ایک نئے آرٹی فیشل انٹیلی جنس (اے آئی) کمپنی کو متعارف کرایا جا سکتا ہے۔