الیکشن کمیشن نے فارم 45کے حوالے سے پریزائیڈنگ افسران کو ہدایات جاری کردیں
الیکشن کمیشن نے فارم 45کی تیاری کے لیے پریزائیڈنگ افسران کو تحریری ہدایات جاری کردیں۔
الیکشن کمیشن نے ہدایت کی ہےکہ پریزائیڈنگ افسران فارم 45 مکمل احتیاط سے تیار کریں تاکہ کوئی غلطی نہ رہے، پریزائیڈنگ افسران فارم 45 پر شناختی کارڈ والے دستخط کریں، پولنگ اسٹیشن پر موجود پولنگ ایجنٹ سے فارم 45 پر مختص جگہ پر دستخط لیں۔
ads
الیکشن کمیشن نے ہدایت کی ہےکہ پولنگ ایجنٹ کے دستخط سے انکاریا جانے پر فارم 45 میں مختصر وجہ تحریرکریں، دستخط کے بعد فارم 45 کی کاپی باہر چسپاں کریں اور پولنگ ایجنٹس کو دیں۔
الیکشن کمیشن کے مطابق چسپاں کیے جانے کے بعد فارم 45 میں تبدیلی کے ذمہ دار پریزائیڈنگ افسران ہوں گے، فارم45 کی تصاویر ریٹرننگ افسر کو ارسال کریں، انٹرنیٹ نہ ہو تو ذاتی حثیت میں آر او آفس جمع کرائیں۔
Comments
Post a Comment